Runar Hole har sendt oss foto frå funn gjort under ein tur gjort torsdag 14. juli til Grovaskarsbotn. Turen var ein del av programmet ved Norsk Fjellfestival, og vart avvikla i samarbeid NINA.

Sjå foto frå turen her:

Foto Runar Hole. Grovaskarsbotn 110714

Runar Hole som har stått for mykje av registreringsarbeidet i Reinheimen, har stelt til eit lite fotoalbum frå feltarbeidet i 2010.

Last ned her:

Fotoalbum - NINA - feltarbeid i Reinheimen 2010

Sjå også NINA sitt WEB-kart for fangstminne her... Registreringar frå 2010 vil bli lagt inn på nyåret.

Kontaktutvalet for Reinheimen har gjeve NINA kr . 180.000,- i tilskott (over 2 år) til registrering av fangstminne i Reinheimen. NINA har no utarbeidd eit notat om aktiviteten i fyrste året (2010). Det er gjennomført 22 feltdagar. Les meir om regsitreringsarbeidet her:

Innsamling av fangstminnedata i Reinheimen NP 2010. NINA 29.11.2010

I samband med NINA sitt arbeid med registrering av kulturminne etter villreinfangsten, vart det måndag 9. august gjennomført ein feltdag for oppsyn, forvaltning og informantar i Reinheimen. I alt 19 personar deltok, og det vart gjeve ei innføring i ulike typar fangstminne og registreringsmetodikk.

Du kan lese meir om NINA sitt kartleggingsprosjekt her.

Og vedlegg som gjeld standard registreringsprosedyre som NINA nyttar:

F.v.:Raymond Sørensen, Norsk Villreinsenter; Runar Hole, NINA; Thomas Rødstøl, SNO; Astor Furseth; Sander Sælthun, Lom kommune; Mathias Øvsteng, Norsk Kulturarv; Åsmund Galde, Lom fjellstyre; Rolf Sørumgård; Øyvind Angard, SNO; Per Jordhøy, NINA; Kristine Sørlie, Norsk Fjellmuseum; Asle Heggheim; Rolv Kristen Øygard, Skjåk kommune / Finndalsprosjektet; Kari Sveen, Vågå kommune; Bjørn Dalen, Skjåk kommune; Odd Repp, Lom fjellstyre; Birgit Bilstad, Skjåk Allmenning.

Endre Hage (t.v.) og Runar Hole demonstrerer oppmåling av fangstgrop. Det blir teke mål av lengde og breidde i topp og botn, og målt djupn. Samanraste groper må målast opp meir skjønnsmessig, likeins jordgravne groper, som ofte sig meir i hop. I tillegg blir tilstand og orientering av fangstretningog ledegjerder registrert. Registreringa blir gjort etter eit skjematisk oppsett, utarbeidd av NINA, som du kan laste ned frå lenka ovanfor.